Yeni Zelandiyanın Nqavi qəsəbəsi yaxınlığında kütləvi şəkildə sahilə vuran qrindlərin hamısı ölüb. Qara delfinlər kimi də tanınan bu heyvanların sayı 40-50 arasında olub.
“Project Jonah” beynəlxalq ekoloji təşkilatının məlumatına görə, heyvanlar ötən gün sahilboyu bir neçə kilometr ərazidə aşkarlanıb. Onların çoxu tapılana qədər, qalanları isə gün ərzində ölüb.
Təşkilatın bildirdiyinə görə, güclü dalğalar, qabarma zonasında boş çınqıl və iti qayalar, eləcə də ərazinin yaşayış məntəqəsindən uzaqda yerləşməsi xilasetmə əməliyyatını çətinləşdirib.
