Sumqayıtda oğurluq hadisələri törətməkdə şübhəli bilinən iki nəfər saxlanılıb.
Şəhər ərazisində yerləşən evlərin birindən 700 manat dəyərində elektrik naqili oğurlanıb. Polisin keçirdiyi tədbirlərlə hadisəni törətməkdə şübhəli bilinən, əvvəllər məhkum olunmuş 41 yaşlı M.Hüseynov saxlanılıb. Ondan əlavə olaraq narkotik vasitələr də aşkarlanıb.
Digər hadisə zamanı isə dəyəri 900 manat olan iki velosiped oğurlanıb. Polis əvvəllər məhkum olunmuş 54 yaşlı F.Nəcəfovu saxlayıb.
Hər iki faktla bağlı araşdırma aparılır.
