Şimali Koreya lideri Kim Çen In Koreya Xalq Ordusunun (KXO) bölük komandirlərini intensiv və fasiləsiz təlimlər keçirməklə tabeliklərindəki bölmələrin müharibəyə tam hazırlığını təmin etməyə çağırıb.
O, bu barədə KXO bölük komandirlərinin III müşavirəsinin iştirakçıları ilə görüşündə danışıb.
“Bölük komandirlərinin əsas inqilabi vəzifəsi bölmələrin tam döyüş hazırlığını təmin etməkdir. Bu vəzifənin yerinə yetirilməsinin başlıca yolu fasiləsiz və intensiv təlimlərdir”, – deyə Kim Çen In vurğulayıb.
Şimali Koreya liderinin sözlərinə görə, komandirlər yüksək döyüş qabiliyyətinə, möhkəm inqilabi əqidəyə və vətənpərvərlik ruhuna malik bölmələr formalaşdırmalıdırlar.
Kim Çen In qeyd edib ki, bu sahədə əldə olunan nəticələr komandirlərin peşəkarlığının və təşkilatçılıq qabiliyyətinin əsas göstəricisi olacaq.
