Hörmüz boğazından keçən neft tankeri boğazın şərq hissəsində minaya düşüb və gəmidə yanğın baş verib.
Bu barədə İslam İnqilabı Keşikçiləri Korpusu (SEPAH) məlumat yayıb.
Bəyanatda bildirilir ki, avtomatik identifikasiya sistemini söndürən tanker Hörmüz boğazından icazəsiz şərq marşrutu ilə keçməyə cəhd edib. Nəticədə gəmi minaya düşüb və göyərtəsində yanğın başlayıb.
Hələlik bu məlumat digər mənbələr tərəfindən təsdiqlənməyib.
SEPAH bir daha bəyan edib ki, Tehran İranın razılıq vermədiyi marşrutlarla gəmilərin keçidini qanunsuz hesab edir.
