Albaniyanın paytaxtı Tiranada etirazçılar şəhər meriyasının binasını yandırıblar.
Məlumata görə, binanın əsas girişində başlayan yanğın qısa müddətdə içəriyə və birinci mərtəbəyə yayılıb. Meriyanın yaxınlığında yüzlərlə etirazçının toplandığı bildirilir.
Tiranada vəziyyət oktyabrın 13-də Təhsil Nazirliyinin qarşısında tələbələrin keçirdiyi etirazdan sonra gərginləşib. Nümayişçilərlə polis arasında toqquşmalar 10 gündən çoxdur davam edir. Etirazçılar Baş nazir Edi Ramanın istefasını tələb edirlər.
İğtişaşlardan əvvəl də Tiranada hökumət əleyhinə aksiyalar keçirilib. Adriatik dənizi sahilində yerləşən Vyosa-Narta təbiət qoruğunda kurort layihəsinin həyata keçirilməsi ilə bağlı hökumətə qarşı etirazlar ardıcıl 130 gün davam edib.
