Oktyabrın 23-də Azərbaycanın bəzi rayonlarında güclü yağış, dolu və qar gözlənilir.
Bakıda və Abşeron yarımadasında hava dəyişkən buludlu olacaq, arabir tutulacaq. Əsasən yağmursuz hava şəraiti gözlənilsə də, gecə və səhər bəzi yerlərdə yağış yağacağı, şimşək çaxacağı ehtimalı var. Şimal-şərq küləyi əsəcək.
Havanın temperaturu gecə 15-17, gündüz 19-21 dərəcə isti olacaq. Atmosfer təzyiqi 767 mm civə sütunu, nisbi rütubət isə 65-75 faiz təşkil edəcək.
Bölgələrdə fasilələrlə yağış yağacağı, bəzi yerlərdə yağıntıların intensiv və güclü olacağı, şimşək çaxacağı və dolu düşəcəyi ehtimalı var. Yüksək dağlıq ərazilərdə qar yağacağı gözlənilir. Axşam qərb rayonlarında yağıntılar tədricən kəsiləcək. Gecə və səhər bəzi yerlərdə duman olacaq. Şərq küləyi əsəcək.
Havanın temperaturu gecə 14-17, gündüz 19-24 dərəcə isti olacaq. Dağlıq ərazilərdə gecə 5-9, gündüz 10-15 dərəcə isti gözlənilir.
