Xankəndi şəhərində bir neçə tikilidə yanğın baş verib.
Fövqəladə Hallar Nazirliyindən (FHN) verilən məlumata görə, hadisə ilə bağlı “112” qaynar telefon xəttinə daxil olan məlumat əsasında əraziyə yanğınsöndürmə qüvvələri cəlb olunub.
Yanğınsöndürənlərin operativ müdaxiləsi nəticəsində alovun daha geniş əraziyə yayılmasının qarşısı alınıb.
Yanğın nəticəsində ümumi sahəsi 300 kvadratmetr olan ikimərtəbəli, bitişik yerləşən hər biri 250 kvadratmetr sahəyə malik iki birmərtəbəli, eləcə də 200 kvadratmetrlik daha bir birmərtəbəli tikilinin yanar konstruksiyaları yanıb.
Yaxınlıqdakı digər tikililər isə yanğından mühafizə olunub.
