Milli Hidrometeorologiya Xidməti oktyabrın 20-də Azərbaycanda gözlənilən qeyri-sabit hava şəraiti ilə bağlı xəbərdarlıq edib.
Xidmətdən verilən məlumata görə, əsasən, dağlıq və dağətəyi rayonlarda fasilələrlə yağış yağacağı gözlənilir. Bəzi yerlərdə yağıntıların qısamüddətli leysan xarakterli və intensiv olacağı, şimşək çaxacağı, dolu düşəcəyi ehtimal edilir.
Yağıntılarla əlaqədar çaylarda sululuğun artacağı, Böyük və Kiçik Qafqazın bəzi çaylarından isə qısamüddətli sel keçəcəyi gözlənilir.
