Rusiyanın Sankt-Peterburq şəhərində pilotsuz uçuş aparatlarının hücumu nəticəsində “Ozon” şirkətinin logistika anbarlarından birində yanğın baş verib.
“İnterfaks”ın məlumatına görə, şirkətin mətbuat xidməti hadisə zamanı bütün əməkdaşların operativ şəkildə təxliyə edildiyini və xəsarət alan olmadığını bildirib.
Şəhərin qubernatoru Aleksandr Beqlovun sözlərinə görə, ötən gecə dron hücumları nəticəsində Nevski, Krasnoselski, Krasnoqvardeyski və Moskva rayonlarında, eləcə də “Peterburq neft terminalı”nın ərazisində mülki infrastruktur obyektlərində yanğınlar baş verib.
Qubernator hücumlar nəticəsində bir nəfərin öldüyünü, daha beş nəfərin yaralandığını açıqlayıb.
