Azərbaycan Prezidenti İlham Əliyevin sədrliyi ilə sentyabrın 22-də “Azərbaycan Respublikasında 2027-2030-cu illərdə dağ-mədən (metal filizləri) və metallurgiya sənayesinin inkişafına dair Dövlət Proqramı”na həsr olunmuş müşavirə keçirilib.
Dövlət başçısı müşavirədə çıxış edib.
Qeyd edək ki, Dövlət Proqramının hazırlanması ilə bağlı tapşırıq Prezident İlham Əliyevin 2026-cı il 1 aprel tarixli sərəncamında əksini tapıb. Sərəncamda dağ-mədən və metallurgiya sənayesinin xammaldan son məhsula qədər dəyər zənciri üzrə inkişafının sürətləndirilməsi, mineral resurslardan səmərəli istifadə və yüksək əlavə dəyər yaradan metal emalının genişləndirilməsi əsas məqsədlər kimi müəyyənləşdirilib.
