ABŞ TRIPP layihəsinin daha da irəlilədilməsinə və Cənubi Qafqaz üçün yeni imkanlar açacağına ümid edir.
ABŞ Dövlət Departamentinin məlumatına görə, bunu dövlət katibi Marko Rubio Ermənistanın milli bayramı münasibətilə ünvanladığı təbrikdə bildirib.
Rubio qeyd edib ki, son bir ildə əldə olunan tərəqqi ümumi məqsədlər naminə əməkdaşlığın mümkün nəticələrini nümayiş etdirir.
“Biz Tramp Marşrutunun (TRIPP) daha da irəlilədilməsinə, iqtisadi qarşılıqlı əlaqələrin möhkəmləndirilməsinə, ABŞ investisiyalarının təşviqinə, həmçinin Ermənistan və bütün region üçün yeni imkanların açılmasına ümid edirik”, – deyə o vurğulayıb.
ABŞ dövlət katibi yaxın illərdə Ermənistanla tərəfdaşlığın daha da dərinləşəcəyinə ümid etdiyini də bildirib.
