Sumqayıtda 4 yaşlı uşağın avtobusla vurularaq ölməsi faktı ilə bağlı cinayət işi başlanılıb.
Hadisə şəhərin Yaşıldərə yaşayış massivində baş verib. 1963-cü il təvəllüdlü Rüstəmov Loğman Abas oğlu idarə etdiyi “Isuzu HC 45” markalı avtobusla piyada, 2022-ci il təvəllüdlü Həsənli Turan İlqar oğlunu ehtiyatsızlıqdan vurub.
Ağır xəsarətlər alan uşaq hadisə yerində ölüb.
Faktla bağlı Sumqayıt Şəhər Polis İdarəsində Cinayət Məcəlləsinin 263.2-ci maddəsi ilə cinayət işi başlanılıb.
