Lənkəranda baş verən ağır yol qəzasının bəzi təfərrüatları məlum olub.
Qəza nəticəsində ölənlərdən birinin və xəsarət alan şəxsin kimliyi müəyyənləşib.
Ölənlərdən biri Lənkəran rayonunun Şıxakəran kənd sakini, 1962-ci il təvəllüdlü Gülnaz Yusub qızı Ağayevadır. Digər ölənin kimliyi hələlik müəyyən edilməyib. Onun kişi olduğu bildirilir.
Ağır xəsarətlər alan 1978-ci il təvəllüdlü Gülnarə Süleyman qızı Hüseynova Lənkəran Rayon Mərkəzi Xəstəxanasının reanimasiya şöbəsinə yerləşdirilib.
Qəza zamanı “Mercedes Vito” markalı avtomobilin sürücüsü, Şıxakəran kənd sakini, 1984-cü il təvəllüdlü Amid Əhməd oğlu Məmmədov xəsarət almayıb.
“Dong Feng” markalı avtomobilin sürücüsü, İranın Astara şəhər sakini Aydın Riyazi də qəza nəticəsində xəsarət almayıb.
Faktla bağlı araşdırma aparılır.
