Azərbaycanın postmüharibə dövründə bərpa və əhalinin qayıdışı ilə bağlı topladığı təcrübə digər münaqişədən zərər çəkmiş regionlarda da tətbiq oluna bilər.
Prezidentin köməkçisi Hikmət Hacıyev Xankəndidə diplomatik korpusa müraciətində bildirib ki, mina təhlükəsi işğaldan azad edilmiş ərazilərin bərpasına və əhalinin təhlükəsiz qayıdışına mane olur.
Onun sözlərinə görə, indiyədək Qarabağa 40 mindən çox keçmiş məcburi köçkün qayıdıb. Hazırda Qarabağda 100 minə yaxın vətəndaş yaşayır, işləyir və təhsil alır.
H.Hacıyev qeyd edib ki, 2020-ci ildən bəri 45-dən çox yaşayış məntəqəsi bərpa və yenidən qurulub.
O, Azərbaycanın bu sahədə topladığı təcrübəni “unikal” adlandırıb və bu təcrübənin digər münaqişədən zərər çəkmiş regionlarla bölüşülməsinin vacibliyini vurğulayıb.
