Gürcüstanın Daxili İşlər Nazirliyinin Miqrasiya Departamenti son günlər ərzində 61 xarici vətəndaşı ölkədən deportasiya edib.
Deportasiya olunanlar arasında Azərbaycan, Hindistan, Misir, Türkiyə, Kuba, Rusiya, Ermənistan, Belarus, Özbəkistan və digər ölkələrin vətəndaşları var.
Qanunvericiliyə əsasən, deportasiya edilən şəxslərin Gürcüstana girişinə qadağa qoyulub.
Məlumata görə, ilin əvvəlindən Gürcüstandan artıq 3 minə yaxın xarici vətəndaş deportasiya edilib. Bu göstərici ötən ilin ümumi rəqəmindən xeyli çoxdur.
