Rusiyanın Ukraynanın Odessa şəhərinə gecə saatlarında endirdiyi zərbələr nəticəsində 21 mərtəbəli yaşayış binasının 10-17-ci mərtəbələrində yerləşən mənzillər zədələnib.
Hücum nəticəsində 3-ü uşaq olmaqla 17 nəfər yaralanıb.
Zərbə yaxınlıqda park edilmiş avtomobillərə də ziyan vurub.
Hazırda hadisə yerində kommunal və fövqəladə xidmətlərin əməkdaşları çalışır. Dəymiş zərər qeydə alınır, hücumun nəticələrinin aradan qaldırılması istiqamətində işlər davam etdirilir.
Sakinlər üçün operativ qərargahlar yaradılıb və burada zərərçəkənlərə zəruri yardım göstərilir.
