Qadın voleybolçulardan ibarət Azərbaycan millisi Avropa çempionatında mübarizəni dayandırıb.
Faiq Qarayevin baş məşqçisi olduğu yığma 1/8 final mərhələsində Türkiyə millisi ilə qarşılaşıb.
İstanbulda yerləşən “Sinan Erdem” İdman Sarayında keçirilən görüş Türkiyə yığmasının 3:0 hesablı qələbəsi ilə başa çatıb. Setlər meydan sahiblərinin xeyrinə 25:14, 25:16 və 25:22 hesabı ilə yekunlaşıb.
Xatırladaq ki, Azərbaycan millisi Milli Gimnastika Arenasında keçirilən C qrupunun oyunlarını 8 xalla üçüncü pillədə başa vuraraq 1/8 finala vəsiqə qazanmışdı.
