Bakının Binəqədi rayonunda yerləşən marketlərin birində ödəmə terminalından oğurluq edən iki nəfər saxlanılıb.
Polisin keçirdiyi əməliyyat tədbirləri nəticəsində əvvəllər məhkum olunmuş 33 yaşlı Eldar Zeynalov və 30 yaşlı Tahib Əmiraslanov şübhəli şəxs qismində tutulublar.
Araşdırmalar zamanı məlum olub ki, onlar gecə saatlarında 28 May qəsəbəsində yerləşən marketdə ödəmə terminalını sındıraraq 3 min manatdan çox pul oğurlayıblar. Hadisə təhlükəsizlik kameraları tərəfindən qeydə alınıb.
Faktla bağlı araşdırma davam etdirilir.
