Azərbaycanın qadın voleybol millisi Avropa çempionatında növbəti qələbəsini qazanıb.
Faiq Qarayevin baş məşqçisi olduğu komanda C qrupunun II turunda İspaniya yığması ilə qarşılaşıb.
Milli Gimnastika Arenasında keçirilən görüş Azərbaycan millisinin 3:0 hesablı qələbəsi ilə başa çatıb. Setlər 25:16, 25:22, 25:14 hesabı ilə yekunlaşıb.
Azərbaycan millisi turnirdə ilk oyununda da Portuqaliyanı 3:0 hesabı ilə məğlub edib.
İki turdan sonra 6 xal toplayan Azərbaycan millisi C qrupunda liderdir. Qrupun oyunları avqustun 28-dək Bakıda keçiriləcək.
