İranın cənubunda bir neçə şəhərə raket zərbələri endirildiyi bildirilir.
ABŞ ordusunun Qeşm adasındakı yaşayış məhəlləsinə endirdiyi zərbədən sonra dağıntılar altından çıxarılan iki nəfər xəstəxanaya çatdırılıb.
İran mediasının məlumatına görə, hava hücumuna məruz qalan ərazilərdə fəsadların aradan qaldırılması və xilasetmə işləri davam etdirilir.
Bildirilib ki, Qeşm dairəsinin elektrik təchizatı artıq bərpa olunub.
Məlumata əsasən, Əhvaz şəhəri də raket hücumuna məruz qalıb. Xuzistan vilayətinin Şadqan şəhəri ətrafındakı ərazilərin bombalandığı, hücum nəticəsində şəhərin bəzi hissələrində elektrik enerjisinin kəsildiyi qeyd olunub.
