İşğaldan azad edilmiş ərazilərdə 7 ümumi təhsil müəssisəsində ilk dəfə Bilik Günü qeyd olunub.
Bu barədə Qarabağ Regional Təhsil İdarəsi məlumat yayıb.
Bildirilib ki, ilk dəfə Bilik Gününün qeyd olunduğu məktəblər Ağdərə rayonunun Aşağı Oratağ kənd tam orta məktəbi, Ağdam şəhər 1 nömrəli tam orta məktəbi, Xankəndi şəhəri Kərkicahan qəsəbəsi 1 nömrəli tam orta məktəbi, Xocavənd rayonunun Qırmızıbazar qəsəbə tam orta məktəbi, Xocavənd şəhər 1 nömrəli tam orta məktəbi, Xocalı rayonunun Təzəbinə və Xanyurdu kənd tam orta məktəbləridir.
Qeyd edilib ki, Qarabağ Regional Təhsil İdarəsinin əhatə etdiyi işğaldan azad edilmiş ərazilərdə ümumilikdə 19 ümumi təhsil müəssisəsi fəaliyyət göstərir.
