Azərbaycanda iyulun 30-da bəzi rayonlarda havanın temperaturunun 39 dərəcəyədək yüksələcəyi gözlənilir.
Milli Hidrometeorologiya Xidmətinin məlumatına görə, Bakıda və Abşeron yarımadasında hava əsasən yağmursuz keçəcək. Mülayim şimal-qərb küləyi əsəcək, gün ərzində arabir güclənəcəyi gözlənilir.
Paytaxtda havanın temperaturu gecə 24-26, gündüz isə 29-33 dərəcə isti olacaq.
Rayonlarda isə hava əsasən yağmursuz keçsə də, bəzi dağlıq və dağətəyi ərazilərdə arabir yağış yağacağı, qısamüddətli leysan, şimşək və dolu ehtimalı olduğu bildirilib. Bəzi dağlıq ərazilərdə duman müşahidə olunacaq, şərq küləyi isə ayrı-ayrı yerlərdə arabir güclənəcək.
Havanın temperaturu rayonlarda gecə 21-26, gündüz 35-39 dərəcə isti, dağlıq ərazilərdə isə gecə 15-20, gündüz 23-28 dərəcə isti təşkil edəcək.
