Çilidə hantavirusa yoluxma nəticəsində ölüm hallarının artması səbəbindən ölkədə sanitariya-epidemioloji həyəcan elan olunub.
Çilinin Səhiyyə Nazirliyinin məlumatına görə, qərar Atakama bölgəsindən Maqalyanesədək olan əraziləri əhatə edir və 2027-ci il iyulun 31-dək qüvvədə olacaq.
Nazirlik bildirib ki, 2026-cı ilin əvvəlindən ötən həftəyədək ölkədə 46 hantavirus yoluxması qeydə alınıb. Onlardan 18-i ölümlə nəticələnib.
Müqayisə üçün qeyd olunub ki, 2025-ci ildə Çilidə 44 yoluxma halı aşkarlanmış, səkkiz nəfər həyatını itirmişdi.
Qeyd edək ki, hantaviruslar əsasən kiçik məməlilərdə rast gəlinən, lakin insanlara da keçə bilən viruslardır. Ağır hallarda infeksiya ağciyərlərin zədələnməsi, ürək çatışmazlığı və hemorragik qızdırmaya səbəb ola bilər.
