Oğuz rayonunda iki minik avtomobilinin toqquşması ölümlə nəticələnib.
Hadisə bu gün səhər saatlarında Qaraməryəm–İsmayıllı–Şəki magistral yolunun rayonun Padar kəndi ərazisindən keçən hissəsində baş verib.
“Mercedes” və “VAZ-2109” markalı avtomobillərin toqquşması nəticəsində “VAZ-2109″un sürücüsü, 1987-ci il təvəllüdlü Əbdülrəhim Namizəd oğlu Məmmədəliyev hadisə yerində həyatını itirib.
Faktla bağlı araşdırma aparılır.
