İranın İslam İnqilabı Keşikçiləri Korpusu (SEPAH) Hörmüz boğazında üç neft tankerinin hədəf alınaraq dayandırıldığını bəyan edib.
SEPAH-ın açıqlamasını yayan “Tasnim” agentliyinin məlumatına görə, qurumun Hərbi Dəniz Qüvvələri Hörmüz boğazı üzərində tam nəzarəti davam etdirir.
Bəyanatda bildirilir ki, tankerlər əvvəlcədən edilən xəbərdarlıqlara məhəl qoymayaraq təhlükəli və qanunsuz marşrutla hərəkətlərini davam etdiriblər.
“Bir neçə saat əvvəl xəbərdarlıqlarımıza məhəl qoymadan təhlükəli və qanunsuz marşrutla hərəkətə davam edən, qaydanı pozan üç neft tankeri hədəf alınaraq dayandırılıb”, – deyə açıqlamada qeyd olunub.
SEPAH həmçinin ABŞ ordusunun bölgədəki gəmilərə qanunsuz müdaxilələrinin, əmr və qadağalarının cavabsız qalmayacağını vurğulayıb.
