Pakistanın şimal-qərbində yerləşən Xeybər-Paxtunxva əyalətində hərbi nəzarət-buraxılış məntəqəsində baş verən partlayış nəticəsində azı 15 nəfər həlak olub.
İlkin məlumata görə, partlayış kamikadzenin idarə etdiyi avtomobilə yerləşdirilmiş partlayıcının işə salınması nəticəsində baş verib.
Pakistan ordusunun açıqlamasına əsasən, ölənlər arasında 12 hərbçi, iki polis əməkdaşı və bir dövlət qulluqçusu var.
