2026-cı tədris ili üzrə ali təhsil müəssisələrinin magistratura səviyyəsinə qəbul planında Naxçıvan Müəllimlər İnstitutu yer almayıb.
Ötən il institut üzrə magistraturaya 30 plan yeri ayrıldığı halda, bu il qəbul planı sıfıra endirilib. Beləliklə, magistratura səviyyəsi üzrə qəbul ötən illə müqayisədə 100 faiz azalıb.
Bununla yanaşı, Muxtar Respublikada fəaliyyət göstərən Naxçıvan Dövlət Universitetində magistratura üzrə qəbul planı artırılıb. Universitet üzrə plan 299 yerdən 355 yerə yüksəlib ki, bu da 56 yer və ya 18,73 faiz artım deməkdir.
