2001-ci il 11 sentyabr terror aktları işi üzrə əsas təqsirləndirilən şəxslərin məhkəmə prosesi 2028-ci il iyunun 5-də ABŞ-nin Quantanamo hərbi bazasında başlayacaq.
Məhkəmədə terror aktlarının ehtimal edilən təşkilatçısı Xalid Şeyx Məhəmməd, həmçinin Vəlid bin Əttaş, Mustafa əl-Həvsavi və Əmmar əl-Bəluçi kimi tanınan Əli Əbdül Əziz Əli mühakimə olunacaqlar.
Məhkəmə qərarında bildirilir ki, təqsirləndirilən şəxslərin müdafiəsi onların əsas etiraflarının iş materiallarından çıxarılmasına çalışır. Müdafiə tərəfi həmin etirafların Mərkəzi Kəşfiyyat İdarəsinin (MKİ) gizli həbsxanalarında işgəncə altında alındığını iddia edir.
Xatırladaq ki, 2001-ci il sentyabrın 11-də ABŞ-də 19 terrorçu dörd sərnişin təyyarəsini ələ keçirib. Təyyarələrdən ikisi Nyu-Yorkdakı Ümumdünya Ticarət Mərkəzinin əkiz qüllələrinə, digəri Vaşinqtona yönəldilib. Dördüncü təyyarə isə hədəfə çatmadan Pensilvaniya ştatının Şanksvill şəhəri yaxınlığında qəzaya uğrayıb.
Hücumlar nəticəsində 2 977 nəfər həlak olub, 6 000-dən çox insan yaralanıb.
