Ermənistan hökuməti ABŞ ilə TRIPP layihəsi üzrə Strateji Əməkdaşlıq Çərçivə Sazişinin ratifikasiyası ilə bağlı qanun layihəsini Konstitusiya Məhkəməsinə göndərmək niyyətindədir.
Erməni KİV-in məlumatına görə, məsələ iyulun 16-da keçiriləcək hökumət iclasında müzakirə olunacaq.
Layihəyə əsasən, hökumət beynəlxalq saziş üzrə öhdəliklərin Ermənistan Konstitusiyasına uyğunluğunun müəyyən edilməsi üçün Konstitusiya Məhkəməsinə müraciət edəcək.
Əgər Konstitusiya Məhkəməsi sazişin Konstitusiyaya uyğun olduğu barədə qərar qəbul edərsə, sənəd ratifikasiya olunması üçün müəyyən olunmuş qaydada Ermənistan parlamentinə təqdim ediləcək.
Qərar layihəsinə əsasən, hökumətin Konstitusiya Məhkəməsindəki nümayəndəsi Ermənistan xarici işlər nazirinin müavini Vaan Kostanyan olacaq.
