Ziya Bünyadov prospektinin Atatürk prospektindən Azadlıq prospektinədək olan hissəsində, “20 Yanvar” istiqamətində avtobus zolağının axşam saatlarında qüvvədə olma müddəti 1 saat artırılıb.
Dəyişikliyə əsasən, avtobus zolağı əvvəllər 17:00–20:00 aralığında qüvvədə olduğu halda, bundan sonra 17:00–21:00 saatlarında fəaliyyət göstərəcək.
Azərbaycan Yerüstü Nəqliyyat Agentliyinin (AYNA) məlumatına görə, dəyişiklik avtobusların qrafikə uyğun və gecikmədən hərəkətini təmin etmək məqsədi daşıyır.
Sürücülərdən yeni vaxt intervalını nəzərə almaları və yol nişanlarının tələblərinə riayət etmələri xahiş olunur.
