Ukrayna Prezidenti Volodimir Zelenski son sutka ərzində Rusiyanın Başqırdıstan və Samara vilayətlərində yerləşən iki neft emalı zavoduna zərbələr endirildiyini bildirib.
Zelenski bu barədə “X” sosial şəbəkəsində paylaşım edib.
Başqırdıstan rəhbəri Radiy Xabirov isə bölgəyə növbəti pilotsuz uçuş aparatı hücumunun dəf edildiyini açıqlayıb. Onun sözlərinə görə, hücum zamanı 20 PUA vurulub.
Qeyd edək ki, daha əvvəl ABŞ Prezidenti Donald Tramp Ukrayna Prezidenti Volodimir Zelenskini Rusiyanın neft emalı zavodlarına zərbələri dayandırmağa çağırmışdı.
