Ukrayna Prezidenti Volodimir Zelenski Kiyev vilayətinə endirilən zərbələr nəticəsində həlak olanlar arasında Azərbaycan vətəndaşının da olduğunu bildirib.
Zelenski azərbaycanlının ailəsinə başsağlığı verib.
Məlumata görə, Kiyev yaxınlığında yerləşən “Stolıçnı” kənd təsərrüfatı bazarı hücuma məruz qalıb. Hücum nəticəsində Azərbaycan vətəndaşı, Kürdəmir rayon sakini, 1978-ci il təvəllüdlü Abbas Abbasov həlak olub.
Abbas Abbasovun bazarda ticarətlə məşğul olduğu bildirilir.
Hücum zamanı daha bir neçə azərbaycanlının yaralandığı qeyd olunur. Onların şəxsiyyətlərinin müəyyənləşdirilməsi istiqamətində iş aparılır.
