Yəməndə aclıq çəkənlərin sayı kəskin artıb.
BMT-nin Ümumdünya Ərzaq Proqramının icraçı direktorunun proqram fəaliyyətləri üzrə köməkçisi Metyu Hollinqvortun sözlərinə görə, cəmi bir neçə həftə ərzində Yəmənin hökumətin nəzarətində olan rayonlarında rekord sayda sakin əsas ərzaq ehtiyaclarını təmin etmək iqtidarında olmayıb.
O bildirib ki, hökumətin nəzarətində olan ərazilərdə təxminən 10 milyon insan yaşayır. Bu ərazilərdə hər dörd ev təsərrüfatından üçü qida qəbulundan imtina etmək məcburiyyətindədir.
“Bu yeni qeyri-sabitlik dalğasının ərzaq təhlükəsizliyi üçün nəticələri tamamilə dağıdıcı ola bilər”, – deyə Hollinqvort bildirib.
