Yevlax rayonunda yük avtomobilinin elektrik dirəyinə çırpılması nəticəsində bir nəfər xəsarət alıb.
Xəbər Mərkəzi məlumat verir ki, bu barədə Fövqəladə Hallar Nazirliyindən məlumat verilib.
Bildirilib ki, FHN-in “112” qaynar telefon xəttinə rayon ərazisində yol-nəqliyyat hadisəsinin baş verməsi və vətəndaşın avtomobildə sıxılı vəziyyətdə qalması barədə məlumat daxil olub.
Hadisə yerində əməliyyat şəraiti qiymətləndirilərkən “Mercedes” markalı yük avtomobilinin sürücüsünün idarəetməni itirərək elektrik dirəyinə çırpıldığı müəyyən edilib. Qəza nəticəsində avtomobil deformasiyaya uğrayıb və sürücü nəqliyyat vasitəsində sıxılı vəziyyətdə qalıb.
FHN-in xilasediciləri xüsusi xilasetmə vasitələrinin köməyi ilə 1961-ci il təvəllüdlü Tağıyev Aqil Müzəffər oğlunu avtomobildən çıxararaq təcili tibbi yardım briqadasına təhvil veriblər.
Hadisə ilə bağlı aidiyyəti qurumlar tərəfindən araşdırma aparılır.
