Rusiyanın Vladimir şəhərində “Yandex” şirkətinə məxsus məlumat mərkəzi dron hücumundan sonra fəaliyyətini tamamilə dayandırıb.
“Yandex Cloud”un “Telegram” kanalında yayılan məlumata görə, hücum nəticəsində məlumat mərkəzinin avadanlığına ziyan dəyib. Hadisə zamanı xəsarət alan olmayıb.
Mütəxəssislər fəsadların aradan qaldırılması üçün hadisə yerində işləyirlər.
Şirkət bildirib ki, qalan infrastruktur qəza rejimində fəaliyyət göstərir və onun sabit işləyəcəyinə zəmanət verilmir.
Məlumat mərkəzinin fəaliyyətini nə vaxt tam bərpa edəcəyi hələ məlum deyil.
