Bakının Nəsimi rayonunda vətəndaşların etibarından sui-istifadə edilərək pul vəsaitlərinin ələ keçirilməsi ilə bağlı faktlar qeydə alınıb.
Polis əməkdaşlarının keçirdikləri tədbirlər nəticəsində əməlləri törətməkdə şübhəli bilinən M.Ələkbərzadə müəyyən olunaraq saxlanılıb.
Araşdırmalar zamanı müəyyən edilib ki, M.Ələkbərzadə müxtəlif vətəndaşlara övladlarının xaricdə təhsil almasına, digər təhsil müəssisələrinə transferinə və bu sahədə müxtəlif məsələlərin həllinə köməklik göstərəcəyini vəd edib.
O, bu məqsədlə vətəndaşlardan birindən 9 000, digərindən isə 3 000 manat alaraq verdiyi vədlərə əməl etməyib.
Faktlarla bağlı araşdırmalar davam etdirilir.
