Qazaxıstanda Xəzər dənizinin dibi ilə çəkilən Transxəzər Fiber-Optik Kabel Xəttinin əsas mərhələsi yekunlaşıb.
“Report”un Qazaxıstan bürosunun məlumatına görə, Aktau–Sumqayıt marşrutu üzrə çəkilmiş sualtı kabel artıq Qazaxıstan sahilinə çatdırılıb.
Layihə “Qazaxtelekom” SC və “AzerTelecom International” tərəfindən həyata keçirilir.
Kabelin çəkilişinə 2026-cı ilin iyul ayında başlanılıb. İşlərə 20 min tondan çox su tutumuna malik ixtisaslaşmış gəmi və 70 mütəxəssis cəlb olunub.
Hazırda kabelin sahil infrastrukturuna qoşulması həyata keçirilir. Payız aylarında yerüstü obyektlərin tikintisinin başa çatdırılması, buraxılış-sazlama işlərinin aparılması və sistemin test edilməsi planlaşdırılır.
Xəttin çəkilişi və istismarına “Qazaxtelekom” və “AzerTelecom International” şirkətlərinin birgə yaratdığı “CaspiLink B.V.” müəssisəsi cavabdehdir. Layihə dövlət büdcəsindən vəsait ayrılmadan, operatorların öz hesabına maliyyələşdirilir.
