Venesuelada baş verən güclü zəlzələ nəticəsində həlak olanların sayı 5 119 nəfərə çatıb.
Ölkə Milli Assambleyasının spikeri Xorxe Rodriqesin açıqladığı son məlumata görə, 16 740 nəfər müxtəlif dərəcəli xəsarət alıb, 17 907 nəfər isə evsiz qalıb.
Təbii fəlakət nəticəsində 190 tikili tamamilə dağılıb, 856 binaya ciddi ziyan dəyib. Axtarış-xilasetmə əməliyyatları zamanı 6 462 nəfər dağıntılar altından sağ çıxarılıb. Hazırda 38 292 nəfərə tibb müəssisələrində yardım göstərilib.
Bundan başqa, 128 324 ailəyə humanitar dəstək verilib, 21 470 nəfər 107 müvəqqəti sığınacaqda yerləşdirilib. Zərərçəkənlərə indiyədək 10 063 ton ərzaq çatdırılıb.
Xatırladaq ki, iyunun 25-nə keçən gecə Venesuelanın şimalında baş verən güclü zəlzələdən sonra 40 saniyə fasilə ilə 7,2 və 7,5 maqnitudalı daha iki yeraltı təkan qeydə alınıb. Hadisədən sonra ölkədə fövqəladə vəziyyət elan edilib və indiyədək 1 350 afterşok baş verib.
