Rusiyanın Ukraynanın Zaporojye vilayətində yerləşən Kamışevaxa qəsəbəsinə endirdiyi zərbə nəticəsində ölənlərin sayı 37 nəfərə çatıb.
Vilayət Hərbi Administrasiyasının rəhbəri Mixail Semikin bildirib ki, hadisə yerində axtarış-xilasetmə işləri davam edir. Ukraynanın Fövqəladə Hallar üzrə Dövlət Xidmətinin kinoloqları və xilasediciləri də ərazidə fəaliyyət göstərirlər.
Daha əvvəl hücum nəticəsində 31 nəfərin, o cümlədən iki xilasedici və dörd polisin öldüyü, beş nəfərin yaralandığı, 48 nəfərin isə itkin düşdüyü bildirilmişdi.
