Ukrayna Silahlı Qüvvələrinin Donetsk vilayətinin şimalında keçirdiyi əks-hücum əməliyyatının üçüncü mərhələsi başa çatıb.
Ukrayna 3-cü Ordu Korpusunun məlumatına görə, əməliyyat çərçivəsində Novo, Redkodub və Katerinovka yaşayış məntəqələri üzərində nəzarət bərpa edilib. Həmçinin Karpovka və Novomixaylovka kəndləri üzərində də nəzarətin bərpa olunduğu bildirilib.
Korpusun komandiri, briqada generalı Andrey Biletskinin sözlərinə görə, əməliyyat zamanı 250-dən çox Rusiya hərbçisi əsir götürülüb.
Ukrayna tərəfi əməliyyatın “Vivaldi” adlandırıldığını və üçüncü mərhələ çərçivəsində 51 kvadratkilometr əraziyə nəzarətin bərpa edildiyini açıqlayıb. Bu məlumatlar Ukrayna tərəfinin açıqlamasına əsaslanır.
