Türkiyənin daxili işlər naziri Mustafa Çiftçi İstanbulda baş verən sel fəlakəti nəticəsində köməksiz vəziyyətdə qalan 3 055 nəfərin xilas edildiyini açıqlayıb.
Nazirin sözlərinə görə, güclü yağışlar nəticəsində üç nəfər həyatını itirib. Onlardan biri elektrik cərəyanının vurması, digər ikisi isə boğulma nəticəsində ölüb.
Çiftçi bildirib ki, xilasetmə əməliyyatları Fəlakət və Fövqəladə Halların İdarə Olunması Agentliyi (AFAD), Sahil Mühafizəsi, jandarm və bələdiyyə əməkdaşları tərəfindən həyata keçirilib.
Nazir qeyd edib ki, hazırda İstanbulda beş, Kocaelidə isə bir nəfərin axtarışları davam etdirilir.
Qeyd edək ki, Türkiyədə iki gündür davam edən aramsız yağışlar ciddi fəsadlara səbəb olub. Bir sıra küçə, tunel və yeraltı keçidləri su basıb.
