Bakıda “Turan Tovuz” və Türkiyənin “Fənərbağça” komandaları arasında yoldaşlıq oyunu keçirilib.
Tofiq Bəhramov adına Respublika stadionunda oynanılan matç “Fənərbağça”nın 2:0 hesablı qələbəsi ilə yekunlaşıb.
İstanbul təmsilçisi hesabı 60-cı dəqiqədə açıb. Fransalı ulduz oyunçu Nqolo Kante fərqlənərək komandasını önə keçirib.
Türkiyə nəhəngi 74-cü dəqiqədə ikinci qolu vurub. Çağrı Balta komandasının üstünlüyünü iki topa çatdırıb.
Qarşılaşmanı azərbaycanlı baş hakim Rəvan Həmzəzadə idarə edib.
Qeyd edək ki, matçdan əldə olunan gəlir Qarabağ Dirçəliş Fonduna ianə ediləcək.
