Bakının Sabunçu qəsəbəsində, Bakı Olimpiya Stadionunun yaxınlığında ölümlə nəticələnən yol-nəqliyyat hadisəsi baş verib.
1998-ci il təvəllüdlü Şahin Elman oğlu Məmmədovun idarə etdiyi “Hyundai” markalı avtomobil ötmə əməliyyatı zamanı 1998-ci il təvəllüdlü Ruslan Maqsud oğlu Mayılzadənin idarə etdiyi “Mercedes-Benz” markalı avtomobilə çırpılıb.
Nəticədə “Hyundai” idarəetməni itirərək aşıb və yol kənarına düşüb. Şahin Məmmədov aldığı xəsarətlərdən yerləşdirildiyi Sabunçu Tibb Mərkəzində ölüb.
Faktla bağlı cinayət işi başlanılıb.
