İran Quru Qoşunlarının komandanı Əli Cahanşahi hərbçiləri ən yüksək döyüş hazırlığı səviyyəsini qorumağa çağırıb.
Komandan xəbərdarlıq edib ki, müharibə şəraitində hər hansı səhlənkarlıq baha başa gələ bilər.
Bundan bir gün əvvəl İran Silahlı Qüvvələrinin Baş Qərargah rəisi, general-mayor Əli Abdullahi ABŞ-nin İrana yenidən hücum edəcəyi təqdirdə ölkə qoşunlarının güclü cavab verməyə hazır olduğunu bildirib.
İranın Ali Milli Təhlükəsizlik Şurasının katibi Möhsün Rezai isə genişmiqyaslı hərbi əməliyyatların bərpa olunacağı halda Tehranın Fars körfəzi bölgəsindəki neft obyektlərinə və sualtı kabellərə zərbələr endirəcəyi barədə xəbərdarlıq edib.
