Türk Dövlətləri Təşkilatının (TDT) Müsəlman dini idarə rəhbərləri Şurasının 7-ci görüşündə Bakı Bəyannaməsi qəbul edilib.
Bəyannamədə Türk dövlətləri və xalqları arasında həmrəyliyin gücləndirilməsi, sülh və rifahın təşviqi, dini və elmi əməkdaşlığın inkişaf etdirilməsi ilə bağlı öhdəliklər əksini tapıb.
Dini liderlər terrorizm, ekstremizm, separatizm, ksenofobiya, islamofobiya, türkofobiya, məzhəblərarası ayrı-seçkilik və nifrət çağırışlarına qarşı birgə mübarizəni davam etdirəcəklərini bildiriblər.
Sənəddə dini təhsilin inkişafı, elmi konfransların, tələbə və müəllim mübadilələrinin təşkili, dini ədəbiyyatın Türk dövlətlərinin dillərinə tərcüməsi və ortaq fətvaların hazırlanması istiqamətində əməkdaşlığın davam etdirilməsi də nəzərdə tutulur.
Bəyannamədə qadın və uşaq hüquqlarının müdafiəsi, gənclərin dini maarifləndirilməsi, həmçinin Türk dövlətlərinin dini və mənəvi mühitinə xarici müdaxilələrin qarşısının alınması ilə bağlı birgə səylərin gücləndirilməsi də qeyd olunub.
Sənəd 14 sentyabr 2026-cı ildə Bakıda qəbul edilərək imzalanıb.
