Bakının mərkəzində yerləşən restoranda yanğın baş verib. Hadisə Səbail rayonu, Əziz Əliyev küçəsində qeydə alınıb.
Fövqəladə Hallar Nazirliyinin məlumatına görə, əraziyə Dövlət Yanğından Mühafizə Xidmətinin qüvvələri cəlb olunub. Yanğınsöndürənlərin çevik müdaxiləsi nəticəsində dördmərtəbəli yaşayış binasının birinci mərtəbəsində yerləşən restoranın mətbəxindəki yanğın qısa müddətdə söndürülüb.
Ümumi sahəsi 200 kvadratmetr olan restoranın mətbəxində sobadakı yağ qalıqları yanıb. Restoran və yaşayış binası yanğından mühafizə olunub.
Hadisə nəticəsində xəsarət alan olmayıb.
