Sumqayıtda şirkətlərdən birindən oğurluq edən şəxs saxlanılıb.
Daxili İşlər Nazirliyindən verilən məlumata görə, şəhər ərazisində yerləşən şirkətlərdən birindən 1750 manat dəyərində naqil və digər metal qurğular oğurlanıb.
Polisin keçirdiyi tədbirlər nəticəsində əvvəllər məhkum olunmuş F. Nəbiyev müəyyən edilərək saxlanılıb. Araşdırma zamanı onun həmin şirkətdə mühafizəçi işlədiyi məlum olub.
Faktla bağlı cinayət işi başlanılıb, araşdırma davam etdirilir.
