Sumqayıtda polis əməkdaşlarının keçirdiyi əməliyyat tədbirləri nəticəsində oğurluqda şübhəli bilinən iki nəfər saxlanılıb.
Polisin məlumatına görə, şəhər ərazisində “VAZ-2103” markalı avtomobili qaçırmaqda şübhəli bilinən 34 yaşlı İ.Xəlilov müəyyən edilərək saxlanılıb. Qaçırılan avtomobil sahibinə qaytarılıb.
Həmçinin şəhər çimərliklərindən birində vətəndaşa məxsus mobil telefonu oğurlayan 38 yaşlı R.Ehtibarov da polis əməkdaşları tərəfindən saxlanılıb.
Hər iki faktla bağlı araşdırmalar davam etdirilir.
