İranın İslam İnqilabı Keşikçiləri Korpusu (SEPAH) ABŞ-nin İordaniya və Küveytdə yerləşən hərbi bazalarına zərbələr endirdiyini açıqlayıb.
SEPAH-ın yaydığı məlumata görə, İordaniyadakı Əl-Əzraq aviabazasında ABŞ ordusunun rabitə sistemləri və yanacaq anbarları hədəfə alınıb. Küveytdəki Əli əs-Salim bazasında isə “C-RAM” hava hücumundan müdafiə sisteminə aid radar stansiyalarının vurulduğu bildirilib.
Xatırladaq ki, bundan əvvəl ABŞ Silahlı Qüvvələrinin Mərkəzi Komandanlığı (CENTCOM) İranın komanda mərkəzlərinə, hava hücumundan müdafiə obyektlərinə və Bəndər-Abbas liman şəhərindəki hədəflərə zərbələr endirdiyini açıqlamışdı.
