Bu axşam “Sabah”ın UEFA Çempionlar Liqasının pley-off mərhələsində “Hapoel”ə (Beer-Şeva, İsrail) qarşı keçirəcəyi oyunla əlaqədar Bakı Metropoliteninin iş rejimi dəyişdiriləcək.
Saat 20:45-də Tofiq Bəhramov adına Respublika stadionunda başlayacaq qarşılaşma penaltilər seriyasına qədər davam edərsə, metro stansiyalarının sərnişinlərin girişinə açıq olma müddəti gecə saat 01:00-dək uzadılacaq.
“Gənclik” stansiyası gücləndirilmiş iş rejimində fəaliyyət göstərəcək. Ehtiyat qatarlar xəttə buraxılmaq üçün hazır saxlanılacaq, növbətçilik əsasında köməkçi işçi qüvvəsi ayrılacaq.
Həmçinin “Nərimanov” və “28 May” stansiyalarında əlavə tədbirlər görüləcək.
Ümumilikdə gün ərzində qatarlar mövcud qrafik üzrə hərəkət edəcək.
